wohi parind k kal gosha geer aisa tha
palak jhapaktey, hawa main lakeer aisa tha
usey tu dostoo.n k hathoo.n ki sojh boj bhi thi
khata na hota kisi tour teer aisa tha
payaam deney ka mousam na hum-nawa pa kar
palat gaya dabey paoo.n safeer aisa tha
kisi bhi shaakh k peechey panah leti main
mujhe wo tor hi leta shareer aisa tha
hansni k rang bohat meherbaan they lekin
udasiyoo.n sey hi nibhti khameer aisa tha
tera kamal k paoo.n main bairiyaa.n daalee.n
ghazaal-e shouq kahan ka aseer aisa tha
No comments:
Post a Comment