labon pe narm tabassum racha ke dhul jayen
Khuda kare mere ansu kisi ke kam ayen
Khuda kare mere ansu kisi ke kam ayen
jo ibtada-e-safar main diye bujha baithe
wo badnasib kisi ka surag kya payen
wo badnasib kisi ka surag kya payen
talash-e-husn kahan le chali khuda jane
umang thi k faqat zindagi ko apanayen
umang thi k faqat zindagi ko apanayen
bula rahe hain ufaq par jo zard-ru tile
kaho to ham bhi fasane ke raz ho jayen
kaho to ham bhi fasane ke raz ho jayen
na kar Khuda ke liye bar-bar zikr-e-bahisht
ham asman ka mukarrar fareb kyon khayen
ham asman ka mukarrar fareb kyon khayen
tamam maikada sunsan maigusar udas
labon ko khol kar kuch sochati hain minayen
labon ko khol kar kuch sochati hain minayen
No comments:
Post a Comment