kehtay hain jab gher may aachanak
aesi aag bharak uthay
jo chashem-e-zadan may
her aik shay ko apni lapeet may le lay
aag bhojhana mushkil ho aur
gher ka aasasa is say bachana namumkin to
aik hi raasta reh jata hai
jo bechta ho wohi bachao
gher ki sab say qemati chezein haath may lo aur
is say duur nikal jao
meray dil may bhi aesi hi aag lagi thi
may nay jaldi jaldi aankh may teray bhujtay khawaab sametay
teri yadoin k tukray chun ker dhaya'n may rekhay
aur is aag may dil ko jalta chor k duur nikal aaya hoin
may nay theek kya hai na
No comments:
Post a Comment