us ne hasi hasi me muhabbat ki bat ki

us ne hasi hasi me muhabbat ki bat ki

mene Adeem us ko mukarne nahi dia

Kat hi gai judai bhi kab yun hua ke mar gaye

Kat hi gai judai bhi kab yun hua ke mar gaye

tere bhi din guzar gaye mere bhi din guzar gaye

tu bhi kuch aur aur hai ham bhi kuch aur aur hain

jane wo tu kidhar gaya jane wo ham kidhar gaye

rahon main hi mile the ham rahen nasib ban gain

tu bhi na apne ghar gaya ham bhi na apne ghar gaye

wo bhi gubar-e-Khak tha ham bhi gubar-e-khak the

wo bhi kahin bikhar gaya ham bhi kahin bikhar gaye

koi kinar-e-ab-e-ju baitha hua hai sarnigun

kashti kidhar chali gai jane kidhar bhanwar gaye

tere liye chale the ham tere liye thehar gaye

tu ne kaha to ji uthe tu ne kaha to mar gaye

waqt hi kuch judai ka itna tavil ho gaya

dil men tere firaq ke jitne the zaKhm bhar gaye

barish-e-vasl wo hui sara gubar dhul gaya

wo bhi nikhar nikhar gaya ham bhi nikhar nikhar gaye

itne qarib ho gaye itne raqib ho gaye

wo bhi "Adeem" dar gaya ham bhi "Adeem" dar gaye 

Kaha saathi koi dukh dard ka tayyar kerna hai

Kaha saathi koi dukh dard ka tayyar kerna hai

Jawab aaya keh yeh darya akailay paar kerna hai

Kaha her raasta bakhsha hai kyun na hamwar mujh ko

Jawab aaya her rasta tujhay hamwar kerna hai

Kaha kyun samnay chamka diya itna bara sooraj

Jawab aaya hamain saye main deewar kerna hai

Kaha lafzon say phoolon ki mehek aanay lagi kesay

Jawab aaya mohabbat ka tukjay izhar kerna hai

Kaha mujh ko banaya hai tu yeh doosray kyun hain

Jawab aaya keh tujh ko doosron say pyar kerna hai

Kaha main laadla tera hoon main mitti main kyun utroon

Jawab aaya keh sub ko yeh samandar paar kerna hai

main chalta hun muje chehra tumhara yaad rehta hai

Sar-e-sehra musafir ko sitara yaad rehta hai

main chalta hun muje chehra tumhara yaad rehta hai

tumhara zarf hai tum ko muhabbat bhool jatti hai

humen to jis ne hans kar be pukara yaad rehta hai

muhabbat aur nafrat ,talkhi aur shireeni

kis ne kis tarah ka phool mara yaad rehta hai

muhabbat main jo duba ho use sahil se kya lena

kise is behr main ja kar kinara yaad rehta hai

bohat lehroon ko pakra dobne wale ke hathoon ne

yahi bas aik darya ka nazara yaad rehta hai

sadain aik si, yaksaniyat main doob jaati hain

zara sa mukhtalif jis ne pukara yaad rehta hai..

Adeem hashmi.