"Hum se kahiye dard k qissay,

"Hum se kahiye dard k qissay, Hum se kijiye runj ki baat, Hum pe beetay kya kya mousam, Tanha dil, laakhon aafat, Aaj hi dil kuch thehra tha, Aur aaj hi aankhain khushk si theen, Aaj hi zaalim toot k barsi, MOUSAM KI PEHLI BARSAAT!"

Yaadai'n jaag jati hyn

Yaadai'n jaag jati hyn Barisho'n k mausam main Har ghari satati hyn Barisho'n k mausam main Shaambhi kisi surat Chain se nahi kat'ti Subhai'n bhi satati hyn Barisho'n k mausam main Zehen k jharokey main Jab koi sada ubhrey Aankhai'n bheeg jati hyn Baarisho'n k mausam main

Usay kehna, Lout Aao K Meri Sansain,

Usay kehna, Lout Aao K Meri Sansain, Ab Tinka Tinka Jhulasti Hain... Kahin Meri Jaan Na Le Le, Ye 'BARISH' January ki !!

"BARISH KI TARAH TUJH PE BARASTI RAHEN KHUSHIYAN...

"BARISH KI TARAH TUJH PE BARASTI RAHEN KHUSHIYAN...

HER BOOND TERAY DIL SE HER EK GHUM KO MITA DE."

happy Rainy day.

Aaj Ki Is Baarish Mei

Aaj Ki Is Baarish Mei Phir Wohi Saa Manzar Hy Phir Wohi Si Boondain Han Phir Wohi Si Thandak Hy Phir Wohi Sa Sub Kuch Hy Par Aaj Ki Is Baarish Mei Saath Tm Nhi Ho To Aankh Nm Si Kitni Hy Saans Tang Si Ktni Hy Rooh Pyasi Ktni Hy Yeh Udaasi Ktni Hy Aaj Ki Is Baarish Mei....

Baarish huee to phuloN ke tan chaak ho gaye

Baarish huee to phuloN ke tan chaak ho gaye
Mausam ke haath  bheeg ke saffaak ho gaye

Baadal ko kya khabar hai k baarish ki chaah meN
Kitne buland-o-baala shajar khaak ho gaye

Jugnu ko din ke waqt parakhne ki zidd kareN
Bachche hamaare ‘ahd ke  chaalaak ho gaye

Lehra rahi hai barf ki chaadar hata ke ghaas
Sooraj ki shah pe tinke bhi bebaak ho gaye

Sooraj-dimaag log bhi iblaagh-e-fikr mein
Zulf-e-shab-e-firaaq ke pechaak ho gaye

Jab bhi ghareeb-e-shehar se kuch guftagu huee
Lehje hawa-e-shaam ke namnaak ho gaye

Saahil pe jitne aabguzeeda thhay sab ke sab
Dariya ke rukh badalte hi tairaak ho gaye

Hogayi rukhsat ghata baarish ke baad

Hogayi rukhsat ghata baarish ke baad 

Ek diya jalta raha baarish ke baad

Mere behte hue Aansuon ko dekh kar 

Ro parri thandi hawa baarish ke baad

Meri tanhaayi ka daaman thaam kar 

Kuch udaasi ne kaha baarish ke baad

Yaad teri odh kar mein so gayi 

Khawaab ka daar khul gaya baarish ke baad

Chand dekh kar baadlo ki qaid mein 

Ek sitaara ro diya baarish ke baad

Apne ghar ki har kachi deewaar par 

Naam tera likh diya baarish ke baad....!

ye rim jhim

Aaj December ki pehli baarish thi

Aaj December ki pehli baarish thi

Mujhe yaad hai ab tak

Jub barasti tap tap kerti rim-jhim main

Haan December ki us thutharti

Sard raat ki pehli baarish main

Us ne mujh se kaha tha

"Mujhe baarishen sard mousam ki bohat pasand hain..."

Sard mousam ki barishon se unsiyat rakhne wala

Mere lehje main sard-pan utaar gaya hai

Meri zaat main ajab tarz ki

Aik thandak utaar gaya hai

Main jis ko chhoo lon

Wo barf k mahboos ho jata hai

Mujhe ab andaza hota hai

Usay sard mousamon ki baarish se kia nisbat thi

Usay sard mousamon ki baarish se kia qurbat thi...!!!

Abhi to rozanon se chhanti kirnon ki

Abhi to rozanon se chhanti kirnon ki

Pehli baarish thi

Abhi to hatheli ki lakeeron k

Khad-o-khaal dikhne thay

Abhi to dareeda daaman ki

Siyahi ko mitaana tha

Alfaz ki banawat ko

Tasweer main pirona tha

An-ginat jazbe mere

Toote parre thay

Bikhre parre thay

Magar...

Tumhen kis ne kaha tha k

Rozanon k paar

Apne rukh ko in marmareen

Hathelion mian chhupa lo???

Tumhen kis ne kaha tha...!!!

Kal halki halki barish thi

Kal halki halki barish thi
Kal sard hawa ka raqs bhi tha

Kal phool bhi nikhray nikhray thay
Kal un pe aap ka aks bhi tha

Kal badal kalay gehray thay
Kal chand pay lakhon pahray thay

Kuch tukray aap ki yaad kay
Bari dair say dil main thehray thay

Kal yaadain uljhi uljhi thin
Aur kal tak yeh na suljhi thin

Kal yaad bohut tum aye thay
Kal yaad bohut tum aye thay …

Barish hui to ghar ke dareeche se lage ham,

Barish hui to ghar ke dareeche se lage ham,

Chup-chaap sogwaar tumhen sochte rahe…..!!!

Kai rog dey gai hai naye mausmon ki barish,,

Mujhay yaad aa rahay hain mujhay bhool janay walay..

Ye barishain bhi tum si hain,

Ye barishain bhi tum si hain,

Jo baras gayi tou bahaar hain,

Jo thehar gayi tou qaraar hain,

Kabhi aa gayi yunhi be’sabab,

Kabhi chaa gayi yunhi roz-o-shab,

Kabhi shor hai, kabhi chup si hain,

Ye barishain bhi tum si hain,

Raat ko ik dabi hui si raakh ko,

Kabhi yun hua ke bujha dia,

Kabhi khud se khud ko jala dia,

Kahin boond boond mein gum si hain,

Ye barishain bhi tum si hain..

Is Baarish Kay Mausam Main Ajeeb Si Kashish Hai,
Na Chahte Howay Bhi Koi Shidat Say Yaad Aata Hai…

Rim jhim rim jhim

Rim jhim rim jhim baras rahi hai,

Yaad tumhaari qatraa qatraa…

Aaj Bhi Wesa hi Mosam Hay

Aaj Bhi Wesa hi Mosam Hay

Aaj Bhi Wesey hi Baadal Hay

Aaj Bhi Wesey hi Baarish Hay

Jub Hum Pehli Baar Miley They

Yaad Hay Hum Nay Yeh Socha

Tha Hum ko Miltey Dekh Kar

Mosam itna Khush Hay

Itna Khush Hay kay

is ki Aankhein bheeg Gayi Hain

Magar Aaj Yeh Jaan gaye Hain.............

Us Din Mosam Kioun Roya Tha

[ aatif saeed ]

Barishon k mosam me

(MOSMON K KHEL HAIN SAB)

Barishon k mosam me

Waqt k andhairon me,

Main ne us se pucha tha chorr to na jao ge,

Hath tham kr us ne kaan me ye bola tha,

Kese chorr skta hoon tm to jan ho meri,

Or

Aj aisa ha waqt ki tmazat me,

Wehshto k mausam me

Main ne us se poocha ha,

Chorr kr hee jana tha muskrati galiyon me,

Aas kyun dilayi thi peyas 

kuyn jgai thi,

Mere in swalo pr na wo chonka na wo thehra,

Chalty chalty itna kaha,

Mausmo k khel Hain sab...!!

Aaj Bhi Wesa hi Mosam Hay

Aaj Bhi Wesa hi Mosam Hay 

Aaj Bhi Wesey hi Baadal Hay 

Aaj Bhi Wesey hi Baarish Hay 

Jub Hum Pehli Baar Miley They 

Yaad Hay Hum Nay Yeh Socha 

Tha Hum ko Miltey Dekh Kar 

Mosam itna Khush Hay 

Itna Khush Hay kay 

is ki Aankhein bheeg Gayi Hain 

Magar Aaj Yeh Jaan gaye Hain............. 

Us Din Mosam Kioun Roya Tha

[ aatif saeed ]