ik udas larki hai

Ik udas larki hai

door ik jazeray par ik udas larki hai

aankhain us ki bojhal si

un main khuwab andekhey

khuwab dekh bhi lay gar, tabeer say woh darti hai

door ik jazeray par ik udas larki hai

rooh us ki roti hai

man ka meet paney ko

hont us kay bay kal hain

dil ki baat kehney ko

rooz sochti hai woh

chordon jazera hai

hath thamoon dilber ka

aur jabasoon us aangan main

jis main saath soraj kay khosian bhi utarti hain

door ik jazeray par ik udas larki hai

par, apna yeh jazera woh,

chor bhi nahin sakti

gham kay is jazeray ney,

us kay phailey daman main

jitney dukh bhi daley hain

jitney gham bhi bakhshey hain

sarey doosron kay hain

us ki kali qismat main

phaili hai jo tareeki

chaya hai jo san'nata

sara doosron ka hai

us ney apney rishton say pai hain jo zanjerain

us kay paon kay neechey, jo aseer khana hai

us aseer khaney ko, chorna bhi chahey to, chorney say darti hai

apney rishton kay bandhan, torna bhi chahey to, torney say darti hai

gham kay qaid khaney main

janey kab say tanha hai,

janey kab say woh apni khosion ko tarasti hai

door ik jazeray par ik udas larki hai

ik udas larki hai