Suno .... ik baar keh do na

Suno ....

ik baar keh do na

k bin meray tum b adhoori ho

k jo main nahi to har khuwahish

namukammal c lagti hai

har din azab sa lagta hai

raatain bekhuaab guzarti hain

shamai'n roz rulati hain

meri ahat ka intezar hai tum ko

k jb b koi tumharay naam se pukarta hai to

dil khush sa ho jata hai

mera hi gumaa'n hota hai

or muj ko waha na paa kar

phir se mayoosi cha jati hai

chehchahatay parind buray lagtay hain

sogwar sa maatmi sa sara shehr esay jesay

luqma-e-ajal ho gaya ho

koi ronaq koi saaz dil na jeet pata hai

sansain beeqar c lagti hai'n

rooh sisaktay hue pasmurda se zehr alood jism ki maanind ho chuki lagti hai

jo bachna b na chahy

or mar b na sakay

khayalaat o tasawoorat to boht door ho'n

zehn me bas aik hi tasweer hai ...meri

meray khad o khaal tumhari ankho'n me esay hain jesay

tumharay saamnay hoo main

or mujh se batain karna

or ghanton kartay rehna

tumhara mashghla ban chuka hai

lakin maloom hai mujhay ik sach

k esa kuch b nahi hai

ye sab meray wehm k ilawa kuch b nahi

tumharay din o raat muztarib nahi

tumhari shamain mo'tdal hain

kisi pukar me main pinhaa'n nahi hoo

tumhara shehr ab b abaad hai khush baash hai

har naya din eid sa hai

har raat chand raat hai

tum ab b banti sanwarti ho

ab b payal pehnti ho

baarish ki chankaar main

ab b rangin patangay ki manind

geet gungunana adat hai tumhari

lakin me kya karoo ??

kaho !! main kya karoo ???

k tumhari yaad k sooraj ki tapish main

sulagna or sulagte rehna adat hai meri

or adatain na badlain to

fitrato'n me dhal jai'n to

rog sabit hoti hain

or suno aye jan-e-wafa....!!!

ye rog jaan lewa hai

ye rog jaan lewa hai