جب کسی کی یاد آئے
تم ذرا سا رو لینا
اپنے روتے چہرے کو
بارشوں میں دھو لینا
بارشوں کا موسم بھی
جب بُرا لگے تم کو
اور اپنی شامیں بھی
تم کو تنہا لگتی ہوں
یا تو چاندنی راتیں
تم سے کچھ نہ کہتی ہوں
اُس گھڑی سمجھ لینا
تم نے اِک خطا کی ہے
بارشوں کے موسم میں
تم نے جس کو چھوڑا تھا
وہ ہی تم کو پیارا تھا
تم نے جس کو ٹھکرایا
اُس میں دِل تمھارا تھا
اب سزا تو ملنی ہے
بارشوں کے موسم میں
اُس کی سسکیاں تم کو
رات بھر ستاتی ہیں
اُس کی سرد آہیں بھی
دردِ دل جگاتی ہیں
تم اُداس رہتے ہو
بارشوں کے موسم میں
جب کسی کی یاد آئے
اُس گھڑی سمجھ لینا
آج تم جو تنہا ہو
تم سے دور رہ کر تو
آج وہ بھی تنہا ہے
بارشوں کے موسم میں
No comments:
Post a Comment