Meri jaan theek kehti ho...!
main sab kuch bhool jaon ga
tumhari khwab si aankhain
tumhara shabnami lehja
daba ker honth ka kona tumhara muskrana bhi
meri baton say chirr jana
mujhy aksr bura kehna
mujhy apnay muqabil jaan ker na baithnay daina
meray tohfon kay wraperz ko buht sanbhal ker rakhna
meray sung walk pay jana
wo mujh say roth ker kehna
''main wapas ja rae hon tum meray pichay nhi ana''
magar meray bulanay par meri janib palat ana
meri jaan theek kehti ho
main sab kuch bhool jaon ga
magar ye baat bhi such hay
main un lamhon mn jeeta hon
kay jab yun bay irada he
meray shaanay pay sar rakh ker
mujhy tum nay bataya tha
''muhabat kay alao mn akele tum nhi jaltay''
meri jaan tum he batlao...!
main jin mn saans laita hon
main un iqrar kay lamhaat ko kia bhoool sakta hon....?
meri jaan theek kehti ho
main sab kuch bhool jaon ga
magar iqrar kay lamhaat kaisay bhool paon ga....!!
Aatfi Saeed ..!
No comments:
Post a Comment