Usay kehna..!
Humare pairon mein jo raasta tha
Raaste mein perh the
Perhon mein taairon ki tuliyaan
Hum se mila krti thi
Ab who urte urte thak gayi hain
Who ghani shaakhein jo hum pe saaya krti thi
Who sab murjha gayi hain
Tum usay kehnaa
Labon pe lafz hain
Lafzon mein koi daastaan,kissa kahaani
Jo usay aksar
Sunaate the
Kaise jakar sunaayein ge?
Baatayein ge k hum mohrab-e-abro mein
Sitaare tankne wale!
Dar-e-lab boosa izhaar ki dastak se
Aksar kholne wale!
Kabhi bikhri zulfon mein hum
Mehtaab k gajre bana kar bandhne wale!
Chiraag aur aaine k darmiyaan
Kab se sar-e-sahil khare
Mojon ko takte hain
Usay kehna
Usay hum yaad krte hain
No comments:
Post a Comment