Ajeeb pagal sa larka hai

Ajeeb pagal sa larka hai

wo mujh se jab bhi milta

hai

mujhey har baar kehta

hai

terey honey sey meri

zaat ki takmeel hoti hai

usey maloom bhi hai

main

to khud ik aam larki hoon

magar wo mujh se kehta

hai

nahi tum sa koi dooja

Ajeeb pagal sa larka hai

wo mujh se jab bhi milta

hai

naya ik naam deta hai, nayi

pehchaan deta hai

meray andar ke sab

mausam bina meray

kahey hoye

wo hamesha

jaan laita hai

meri barson purani baat

bhi wo yaad rakhta hai

mujhay her baar kehta

hai

teri aawaz ka jadoo

mujhey soney nahi deta

Ajeeb pagal sa larka hai

woh mujh sey jab bhi

milta hai

to pehron mujh ko takta

hai

usey her rang jo main ne

ho pehna, acha lagta hai

usey her khuwab jo

maine ho dekha, sacha

lagta hai

Ajeeb pagal sa larka hai

mujhey dukh ke andheron

main kabhi khoney nahi

deta

usey meray hina-ii-haath

takna acha lagta hai

usey mujhko mujhi ko

sochnay ki janay kia zid

hai

ho din ka koi bhi lamha,

andheri raat ka pal ho

wo mujh ko socha karta

hai, mujhi ko yaad rakhta

hai

ajab pagal sa larka hai

wo mujh se jab bhi milta

hai

hazaron baar kehta hai

mujhay tum se mohabbat

hai

bus ik pal me wo apna

aap mujh ko sonp deta hai

main us pagal sey larkey

ke liye ab aur kia likhoon

Ajeeb pagal sa larka hai

Ajeeb pagal si main bhi

hoon .!