Mein Tanhaai Pehenta Hoon

Mein Tanhaai Pehenta Hoon

Udasi Kay Ujaar Aangan Mein Chunta Hoon

Katthinn Mehroomion Kay Zard Patton Ko

Meri Aankhon Mein Ratjagay Bharay Hein Aik Muddat Say

Meray Honton Pay Chaspan Hein Chitakhti Hichkiyan

Chehray Pay Khulti Khelti, Dukhti Kharashein Hein

Mein Apni Zaat Mein Ujray Huay Gaoon Ka Mela Hoon

Meray Yaroo………. !

Tumharay Saath Reh Kar Bhi Akayla Hoon!

Meri Sangat Mein Mut Betho…

Tumhein To Khud Sanwarna Hay

Tumhari Khwahishon Kay Baam-o-Dar pay Roshni Kay Phool Khilna Hein

Tumhein Likhna Hay..Apni Saans Ki Garmi Say

Neendoon Ka Safar Nama

Meri Sangat Mein Mut Betho….

Ke Mein Pathar Ka Mehbus Hoon

Ke Mein Mehroomioon Kay Shehar Ka Baasi

Meri Qismet Udasi

Kum Libasi, Na Shanasi Hay!!!

Meri Sangat Mein Mut Betho

Mujhay Milnay Say Katraoo,

Khud Apnay Dil Ko Samjhao,

Meray Nazdeek Mut Ao !!