Kuuch de issey rukhsat ker, kyoon aankh jhukaa li hai
Haan dar pe tere Maula Insha bhi sawaali hai

Iss baat pe kyoon isski ithna bhi hijaab aaey
Faryaad se be-behraa kashkol se khaali hai

Sha'ir hai to adna hai aashiq hai to ruuswaa hai
Kis baat mein achcha hai kis wasf mein aali hai ??

Aawara hai raahon mein duniya ki nigahon mein
Izzat bhi mitta li hai tamkee.n bhi ganwaali hai

Bakh-shish mein ta'aammuul hai aur aankh jhukaa li hai
Kuch dar pe tere Maula ye baat niraali hai

Insha ko bhi rukhsat ker Insha ko bhi kuch de dey
Insha se hazaaron hain Insha bhi sawaali hai !!!