وہ شخص مجھ کو جیت کے ہارا ہے اور بس

وہ شخص مجھ کو جیت کے ہارا ہے اور بس

اتنا ہی زندگی کا خسارا ہے اور بس

دنیا کو اس میں درد کی شدت کہاں ملے

آنکھوں سے ٹوٹتا ہوا تارا ہے اور بس

لفظوں میں دردِِ ہجر کو محسوس کر کے دیکھ

کہنے کو میں نے وقت گزارا ہے اور بس

اب ان میں کوءی خواب سجانے نہیں مجھے

آنکھوں کو انتظار تمہارا ہے اور بس

کیسے کہوں کہ اس کا ارادہ بدل گیا

سچ تو یہی ہے اس نے پکارا ہے اور بس

میں نے کہا کہ خواب میں دیکھی ہیں بارشیں

اس نے کہا کہ ایک اشارہ ہے اور بس