Main Roi To Nahin Hoon....

Najaney Kiyoon Mera Kajal

Jab Bhi Dalo Ankhon Main

Ab Akser Phail Jata Hai

Main Roi To Nahin Hoon......

Tum To Jantey Ho In Dino

Bohat Hi Thand Hoti Hai

Tab Hi Hai Surkh Meri Naak

Main Roi To Nahin Hoon......

Kaha To Hai Yunhi Buss

bheega Hai Aanchal Ka Kona

Choro Tum Fiker Mat Karo

Main Roi To Nahin Hoon......

Nahin, Udaas Kab Hoon Main

Ziyada Kaam Kay Baais

Thakawat Ho Hi Jati Hai

Main Roi To Nahin Hoon......
Neya Saal Aaya Hai, Woh Ab Bhi

Nahin Aata To Na Aaye

Ab Us Ki Yaad Main Dekho

Main Roi To Nahin Hoon.....

Bata Dena Us Ko Ja Ker

Koi Khush-Fehmi Na Palley

Waisey Hi Surkh Hain Ankhain

Main Roi To Nahin Hoon....