Mujhe Tum Yaad rakho ge.

Bichar jaiyein ge Hum laikin

Hamari yaad kay Jugnoo

Tumhari shab kay daman mein

Sitara bn kay chamkein ge

Tumhein bechean rakhein ge

Bohat Masroof rehne kay

Bahane Tum bnao ge

Bht koshish kro ge Tum

Kay ab Moasam jo badlein tou

Hamari yaad na aiye

Magar aisa nahin ho ga

Kahin Jo Sard Moasam mein

December ki hawaoun mein

Tumhare Dil kay goshon mein

Jammi hain barf ki taraah

Woh yaadein kaise pighlein gi

Kabhi garmi ki tapti surkh gharriyon mein

Mere Maazi ko socho ge

Tou Aankhein bheeg jaiyein gi

Gharri peeche ko doure gi

Kae saalon ki gum gashta

Hamari yaad aiye gi

Bichar jao Magar Sun lo..........!!!!!

Hamare Darmiyaan Aisi ..............

Koi tou baat bhi ho gi.............

Jissay Tum Yaad rakho ge..............

Mujhe Tum Yaad rakho ge.

use kehna kabhi milne chala aye

use kehna

kabhi milne chala aye

hamarey paon me jo rasta tha

rastey me paid the

paidon me jitni taairon ki tolian

hum se mila karti theen

abb wo udtey udtey thak gayi hain

wo ghani shakhain

jo hum pe saya karti theen,murjha gayi hain

usey kehna kabhi milne chala aye

Labon par lafz hain

Lafzon me koi dastan, qisa, kahani

jo usey aksar sunatey the

kisey ja kr sunain ge

batain ge keh hum

mehrab-e-abroo par sitare tankne wale

dar-e-lab bosa-e-izhar ki dastak pe

aksar kholne wale

kabhi bikhri hui zulfon main hum

mehtab ke gajre bana kar bandhne wale

charagh or aieney k darmean

kab se sar-e-sahil khadey mojon ko takte hain

use kehna use hum yad karte hain

Use kehna hum aa kar khud use milte magar

maqtal badalte mosmon k khoon main rangeen hain

aur hum qatar under qatar

esey boht se mosmon ke darmean tanha khadey hain

jane kabb apna bulawa he

keh hum main aj bhi ik umr ki waraftagi 

or wahshaton ka raqs jari he

wo bazi jo bisat-e-jan pe kheli thi

abhi hum ne na jeti he na hari he....!